مواصفات المواطن الاردني

موضوع: مواصفات المواطن الاردني 09/05/08, 01:00 pm

راتبه الشهري 200دينار وبصرف 500 كيف بعرفش

متابع خطوط الموضة خط خط،و اللوك الخارجي قبل كل اشي

فطور يوم الجمعة فول،حمص وفلافل والغدا يا مقلوبة يا منسف

نص السيارات بالطريق بسوقها بنات

اللي بربح جوائز البنوك دايما واحد نتف ،منين عندو رصيد أبعرفش

دايما فاضحيين الفقراء المستورين على التلفزيون ،قال بدهم يمدوا يد المساعدة

كل أب عندوا ثلاث في الجامعات واحد في أبعد جامعه حكومية واثنين في خاصة

فاتورة الكهربا تلت أرباع قيمتها مالوش دخل في الكهربا

تسعين يوم بالصيف بتقضيها في الأعراس والفاردات

لازم تعمل رحله لو مره في السنة يا لوادي شعيب يا لدبين وباقي الرحل المحلية للحدايق

كل عيله فيها واحد أو اكتر مغترب يا في الخليج يا في أمريكا

ما في مدرسه بنات إلا حوليها ألف شب ، واحد سايق زعره اكزوزتها مخزوق و سيستم تبع صالة أفراح

كل مواطن معو خطين موبايل، زين أساسي والتاني لبعد الساعه11ولا واحد فيه رصيد لأنو الرصيد بينحكى فيه دفعه وحده

مزيعيين التلفزيون بتشوفهم من أول ما تنخلق لحد ماتموت

إذا انسئلت عن اسم فنان أردني بتذكرش الا عمر العبدللات

مشجعين القدم يا وحدات يا فيصلي

التسوق الشهري لازم من المؤسسة المدنية أو العسكرية

سهرات الصيف كلها على البرنده اللي على الشارع

كل الدنيا بتحسدنا على عدد عطلنا عشان هيك شطبوا نصهن

الكاتب :ـ عـــيـــون